(13 June) Separate NCERT Solutions of Inverse Trigonometric Functions Class 12 Maths & Other updates

Hey guys,

In videos mein sirf NCERT Solutions hain. Exercise 2.2 YouTube par bhi available hai. Baki sab kuch website par.

**PHYSICS**

Pichle kuch dino jis tarah aapne mujhe support diya hai, mere decisions ko support kiya hai, use dekh kar lag rha hai ki isi saal main Maths aur Physics ka syllabus Class 11 aur 12 dono ke liye aasaani se complete kar paunga. Main Physics tab se start karna chahta hun jab mujhe khud par bharosa ho ki main regular class 11 aur class 12 dono ke lectures upload kar paaunga. Taaki aapko bhi bharosa rahe ki syllabus pura ho jaayega. Isliye abhi puri jaan laga kar Maths ka syllabus end karne mein laga hun. Ummeed hain ki bahut jaldi complete ho jaayega. Main literally din aur raat kaam kar rha hun. Raat zayadatar website ko set karne mein lagata hun taki din mein website par lectures dekhte waqt aap disturb na ho. Jis raat website ko edit nahi karna hota us raat notes aur assignments par kaam karta hun. Taaki agle din sirf lectures record kar sakun.

**MATHS**

Aaj dopahar ko Class 12 ki second book ke lectures record karunga. First book ke jo topics pending hain un par thoda sa kaam aur karna hai. Isliye use ek do din baad record karna start karunga. Uske liye aapki help ki need bhi hogi. Second book record karna start kar dun fir aapse is baare mein aage discuss karta hun. Class 11 walon ko lag rha hoga ki main unke liye kaam nahi kar rha. Lekin aisa nahi hai. Class 11 ka kaafi had tak syllabus last year hi complete kar diya tha. Class 11 ke jo topics pending hain unka Class 12 mein bahut zyada use hai. Jaise Probability Chapter hai. Jahan par class 11 mein probability khatam hoga theek wahi se class 12 ka start hoga. Ab dikkat ye hai ki NCERT me Probability ke aise kuch topics hain jinhe 11th mein khul kar nahi explain kiya hain. Lekin 12th mein unke next level ke questions hain. To mujhe yahi decide karna hai ki un topics ko 11th ke end wale lectures mein explain karun ya 12th ke start wale lectures mein. Wo topics dono class ke liye zaruri hain. Is par main kaam kar rha hun. Aisi hi dikkat dusre chapters ke sath bhi hai. To 11th ke lectures mein thoda aur time lag sakta hai. Tab tak Class 11 ke students baaki chapters apne prepare karein. Sabhi lectures aapko website par aasaani se mil jaayenge. Aap befikar rahein, bache hue topics jaldi hi upload honge. Class 11 ka syllabus pehle khatam karna zaruri hai kyonki unke bina 12th ka syllabus bhi complete nahi ho paayega.

Aap sabhi ko bahut saara pyaar…

Mujhe aur mere decisions ko Support karne ke liye bahut bahut shukriya🙏